Home > Uncategorized > சுயநலவாதம்

சுயநலவாதம்

September 13th, 2013 Leave a comment Go to comments

வான் துறந்து வலி துறந்த மனமோ,
ஊண் துறந்து உயிர் துறந்த இருப்போ;
கோண் துறந்து கொடை துறந்த உலகோ,
கோல் துறந்து கொள்கை துறந்த இருப்போ;
இவ்விரு இருப்புமே சுயநலவாதந்தானே!

 
முதலிரண்டு அடிகளில், உள்நோக்கிய பயணத்தினால் ஏற்படக்கூடிய சுயநலத்தை அறியமுடியும். இப்பயணத்தில் தன்னை அறிய முற்படும்போது ஒருமை மட்டுமே தெரியும். “நான்” என்ற எண்ணம் மட்டுமே தெரியும். மேற்கொண்டு பயணப்படும்போது, “நான்” என்ற எண்ணமும் மறையும். அப்போது ஒருமையும் கூட இருக்காது. பயணப்படுபவர் மற்றவர் பார்வையில் சுயநலவாதியாகவே தெரிவார், ஏனெனில் உணர்ச்சியற்ற சமாதி நிலையில் இருப்பவரிடம் அன்பு மட்டுமே கிட்டும்; பாசமோ, பற்றோ, ஆசையோ, அச்சமோ, கோபமோ, வெட்கமோ, பயமோ, ஏதும் இருக்காது!
 
அடுத்த இரண்டடிகளில், உலக வாழ்வில் ஏற்படும் சுயநலத்தை பற்றி அறியமுடியும். இங்கும் “நான்” என்ற எண்ணம் மேலோங்கி இருப்பது திண்ணம். அதில் சிறப்பு என்னவென்றால், “நான் மட்டுமே” என்ற எண்ணம் இருப்பதே அனைத்து துயருக்கும் அடிகாலாக அமைகிறது.
 
இரண்டுமே சுயநலவாதம் தான், ஆனால் வெவ்வேறு விதம். முதலில் உணரப்படுவது பிறநிலையால், இரண்டாவதில் உணரப்படுவது தன்நிலையால்.
Tags:
  1. No comments yet.
  1. No trackbacks yet.
You must be logged in to post a comment.