Home > Uncategorized > கச்சி திருநெறிக்காரைக்காடு

கச்சி திருநெறிக்காரைக்காடு

October 21st, 2010 Leave a comment Go to comments

காஞ்சி மாநகர் சரித்திர காலத்திற்கு முன்பே தோன்றி புராண இதிகாசங்களிலும் சைவ, வைணவ, பெளத்த, சமண காவியங்களிலும் இந்நகர் சிறப்பிக்கப்பட்டுள்ளது. தொண்டை நாட்டு தலங்களுள் காஞ்சிபுரம் முதன்மை வாய்ந்தது. இது உலகிலேயே மிகப் பழமை வாய்ந்த நகரங்களுள் ஒன்றாக மதிக்கத்தக்க மாட்சிமையுடையது. “நகரேஷு காஞ்சி” என்று மகாகவி காளிதாசராலும், “தேசமெல்லாம் புகழ்ந்தாடும் கச்சி” என்று மாணிக்கவாசகப் பெருமானும், “கல்வியிற்கரையிலா காஞ்சி நகரம்” என்று திருநாவுக்கரசரும், “காஞ்சியை நினைப்பீர் காசிக்கடிநகர் வசித்த பேறாம்” என காஞ்சிப் புராணமும் போற்றுகின்றது. மனிதனின் அன்றாட வாழ்க்கையில் இறைவுணர்வு மேலிட பிறக்க, இருக்க, நினைக் தரிசிக்க இறக்க முக்தி அளிக்கின்ற தலங்களில் ஒன்றாக விளங்குவது காஞ்சி தலமாகும். பஞ்ச பூத தலங்களில் மண் தலமாக விளங்குவது காஞ்சி நகரமாகும்.

கா என்றால் பிரமன், அஞ்சித்தல் என்றால் பூசித்தல், புரம் என்றால் நகரம். பிரம்ன் சிவனை பூசித்த நகரம் ஆதலால் காஞ்சிபுரம் என் பெயர் பெற்றது. காஞ்சியில் உள்ள சிவாலயங்களில் எங்கும் அம்பாள் சன்னதி தனியாக கிடையாது. ஏனெனில் அனைத்து சிவாலயங்களுக்கும் அன்னை காமாட்சி தான் அம்பாளாக விளங்குகிறாள். இந்த சிறப்பு இந்தியாவில் வேறு எங்கும் கிடையாது. இந்தியாவில் உள்ள 108 வைணவ திவ்யதேசங்களில் காஞ்சியில் ஆழ்வார்களால் மங்களாசாசனம் செய்யப்பட்ட 14 வைணவ தலங்கள் உள்ளது மிகவும் சிறப்பாகும்.

Powered by ScribeFire.

Tags:
  1. No comments yet.
  1. No trackbacks yet.
You must be logged in to post a comment.